Poser til så mangt

Det blir ikkje gjort så mykje handarbeid
no i sommar, men eg har sydd nokre poser
til "alt mulig" bruk.
Desse tenker eg å bruke til gåver og bursdagsbarnet
i morgen skal få en, så får vi bare håpe den fell i smak.

Rotur i Austerled

Den årlege roturen gjekk i år
innover Nordfjorden.
Vi er ein god gjeng som bruker båt og fjord til sosialt samhald.
Båten er ein femkjeiping, dvs at 10 ror + ein styrmann.
Første kvelden overnatta vi i telt og lavvo ved Øksenelvane
kraftstasjon. Ikkje alle kan ro så nokon frakter bagasje og utstyr
i motorbåt. Der er ein god del av det slaget når 17 stk
skal på tur med soveposer, telt, mat og klær.

Snakk om å vere heldig med veret når denne turen var
planlagt for eit halvt år sidan.

Flate marker og høge fjell. Mellom der går fjorden.
Eit underleg landskap.
Løypestrengen stod klar til å sende varene oppover
fjellsida til gardane høgt der oppe.

Dette er på sørsida av Nordfjorden på veg innover
til Gloppen.
Der ligg fleire små gardsbruk av det slaget "der
ingen kunne tru at nokon kunne bu"

Turen endte på Rygg i Gloppen og eg kan underskrive
på at Nordfjorden er laaaang når ein tek årane fatt,
sjølv om eg på denne turen var styrmann.


Kveldsstemning ved Gloppenfjorden.

På retur søndag morgen. Denne gang med motor.
Like flott den dagen også.


Tilbake igjen ved havet og solnedgang kl 23.10

Kan det bli bedre?

St. Hans

I år vart Jonsokafta (som vi kallar St.Hans for på
Vestlandet) feira i et nydelig sommarver.
Bålet er tent på sanden nedanfor hytta vår.

Så har vi pynta treet....
heldigvis er det enno ei stund til jul.

Award

Frå LAPPETUSSA har eg fått denne koselege helsinga.
Tusen Takk:-)
Vi skal sende ei rose til 8 flotte bloggvenner
og ønske dei ein god dag.
Det er fryktelig vanskeleg å plukke ut bare 8, sidan der
er så mange flotte bloggvenner der ute, men denne
gangen sender eg ei rose til desse:

2nes-quilt
Alette Siri Ane
Ati. Norway
Hallingjenta
Juliann
Lappetausa
Litamora
Mallemor

Ønsker desse og alle bloggvenner ei riktig god helg:-)

Teppe i Log-cabin

Dette teppet har lagt ei god stund som ein stor UFO,
sjølv om det ikkje var så mykje arbeid som mangla.
No er det ferdig og skal brukast på hytta, enten
som ein quilt nederst på sengekanten eller
i benken ute på terassa.

Tur til Furefjerding

Vi i bygdekvinnelaget var på tur til Furefjerding igår.
Høgt, høgt over Nordfjorden.
Vi tok av frå hovudvegen og kjørte 2,5 km rett oppover,
deretter gjekk vi vel ein kilometer.
Der ligg to gardar, den eine bur der folk i, mens
denne var fråflytta for bare nokre få år sidan.
Her budde eit par, hus lade og fjøs til sauene i same bygning.
Der er ikkje vei bort, så alt måtte fraktast med taubane eller berast.
Straum hadde dei kun dei par siste åra dei budde der.
For oss materialistane er det vanskeleg å tenke oss
tilbake til eit slikt liv, men dei hadde kvarandre, frihet
og heilt sikkert eit godt liv.


Blomsterpotta stod fortsatt i vindauget.

Og her er ein gjeng spreke damer.
Regn ingen hindring!!

Sybok

Endelig er syboka mi fiks ferdig:-))))

Side 2 og 3. Her er det plass til ei lita
skjærematte av den typen som ein kan snurre rundt.

Side 3 og 4 er laga til for å oppbevare sakser.
Eg har sydd 3 sakse etui i ulike størrelser,
som er festa med patenter til boksida.
Den japanske bretteteknikken foran kan
brukast som små lommer.

Sakse etuia er også laga i japansk bretteteknikk.

Side 4 er ein stor lomme til prosjektbeskrivelser.
Og side 5 er ein lomme til diverse ting og tang.

Her valgte eg å bruke hullstrikk og feste den
med knapper. På halve sida sydde eg eit deksel
slik at ikkje sytråden dett ut.

Desse sidene er også lommer.

Side 10 består av 4 nåleputer som
ein arbeidskollega har tova i rein ull.


Side 11 har fått 2 små lommer til symaskin-nåler,
og neste side brukes til linjaler.

Denne syboka er sydd etter eit kurs som
Nordfjord Lappe- og Quilteklubb arrangerte
med Patricia Iden.

Votter og vår

Ein kollega av meg på jobb har kjøpt desse vottane.
Dei er strikka i alpakka-ull og kjentes heilt nydelig på.
Sjå kor detaljrike dei er, her er det verkelig snakk
om tålmodighetsarbeid.

Eg kan ikkje dy meg, men må legge inn nokre hagebilder også.
TT, det ser ut som vi får kirsebær i år og......

Ved hytta blomstrar kusymra i rikt monn,

og denne nordiske orkideen veks vilt ute ved kysten.

Jentetreff på hytta

Denne helga har eg hatt besøk av
klasseveninner frå barneskulen.
Vi var 6 veninner som fann tid til å møtes
på hytta mi fredag kveld.
Laurdag gjekk vi på tur til Skongsnes Fyr.
Sjå kor heldige vi var - strålande sol,
varmt og med ein liten bris.
Tusen takk for ei flott helg:-)

Fotokurs

Eg har begynt på fotokurs!
I fjor fekk eg nytt digitalt speilreflekskamera i gåve,
men kva alt betyr og korleis det skal brukast
er nærast gresk for meg.
Eg har vore på ein kurskveld og alt
er fortsatt særdeles uklart!
Iallefall har eg tatt nokre bilder no i påska,

dette er motiv frå eit lite tjønn som ligg på fjellet
bak hytta. Fjellet er vel 300 m høgt og på
bildet ser ein stor havet i bakgrunnen.


No rundar sola Kråkenes og går i hav.
Slik kan vi sjå sola frå hytta når der er fine kvelder,
heilt fram til midten av september.

I gamle dager var der gjerder og grinder
i utmarka høgt til fjells.

Det er ganske imponerande murar som står igjen
frå eldre tider, denne var heilt rett. Ingen stein stakk framom.

Kusymra er koma. Ganske flott når
heile bergsida er gul.

Denne måsen hadde sett folk før!
Eg kom ganske nær før eg tok bildet,
slik at fuglen kom i fokus og bakgrunnen vart meir diffus.

Denne Bjørkefinken heldt konsert for oss i toppen av furua.
Vakkert!

God påske

Denne buketten gjekk forbi mens eg heldt på
å ta bilder. Nydeleg:-)))
Som de ser har vi vår på Vestlandet.
Her er sol og 15 C i skuggen.

Med desse bilda tatt idag 3. april kl 17.15
vil eg ønske alle ei riktig GOD PÅSKE

Endelig tilbake på nettet

Endelig virker dataen igjen:-)
Eg har ikkje komt meg inn på bloggen min på
lange tider, slik at det har vore dårleg med
oppdateringar i det siste.
Iallefall, eg har lagd to velkommen veggbilder,
eit til dottera og eit til hytta.
Desse er laga etter eit mønster av Anne Beier Finnestad.
Mønsteret stod i Quiltemagasinet nr 2/06.