Adventsløper

Er begynt å forstå at det snart er advent igjen.
Er ikkje lenge sidan sist!
Her er ein løpar som eg sydde i fjor, eller var det året før.....?

I alle fall eg ønsker alle ei riktig god helg:-))))

Tøfler til barnebarnet

Desse tøflane/lestene strikka eg til Elise Marie
i Fritidsgarn og tova dei i vaskemaskina med Milo.
Dei vart kjempevarme og er gode til å bruke i bilstolen
og når ho er ute på trilletur.
Enkelt og raskt å lage.

These slippers I made for my grandchild.
They are easy to knit and very warm to small foots.

Dear Jane

Denne veka har det blitt lite tid til blogging
då barnebarnet har vore på besøk , og
dessutan har skjermen på datamaskina svikta meg.
Så snart som eg har slått den på, har den gått i svart,
men nå virker den igjen for ei lita stund.....forstå det
den som kan! I allefall konklusjonen er at mor bør få
ny flatskjerm til dataen til jul:-)

Her er fellesprosjektet vårt Dear Jane, det består no
av vel 80 blokker, og eg reknar med at det kjem fleire
på desember-møtet. Planen er å sy tepper som skal brukast
til utlodding på regionstreffet 30. mars (mrk. datoen) neste år.

No er vi snart ferdige med hytte-taket.
Der er lagt dråpeforma skifer, det er ein kjempejobb
som brødrene mine har gjort på kveldstid og nokre
laurdagar. Dyktige karar!

Sko-pose

Denne er laga etter AnnAKa sitt mønster og er
ei gebursdagsgåve til ei veninne.
Oppi putta eg ein pakke med fine serviettar
og matchande kubbelys.
Kjekt å kunne gje frå seg noko heimelaga:-)

Baby-lester

Det er blitt nokre par med baby-lester i år.
Nokre er til barne-barnet, mens andre er gåver
til mi dotter sine veninner.
Desse er enkle og raske å lage.

You Make Me Smile Award

You Make Me Smile Award

Eg har fått denne prisen av annischoice.blogspot.com
Tusen takk til henne.
No er det meininga at eg skal gje denne prisen vidare
til 10 andre, men der er så mange flotte bloggar at eg
greier ikkje å bestemme meg. Derfor sender eg denne
som ei helsing til alle flotte og kreative handarbeidsdamer,
som bruker timer av si tid til å inspirere oss andre.

Baby-symjing

I dag har eg vore på baby-symjing med barne-barnet.
Det var ei oppleving.....
Her er vi under vatnet, ho med augene opne og heilt med,
at mormor hadde briller på var visst det raraste.

Today I have visit my daughter and grand-daughter,
and we were in the swimming-hall.
It´s amazing to see the little girl in the water,
how she enjoy it and has no fear to dive.

Når hausten kjem må bargello-teppet
på plass på kjøkkenet.
Vi treng litt fargar no når det er mørkt
både til og frå jobb.
Fint å sette seg ned om kvelden med eit handarbeid
og ein god kopp te.

Hytta ved havet

Det går fort framover (takka vere 2 av brødrene mine + min kjære mann),
sjølv om vi byggjer bare på kveldstid og laurdagar.
No er pipa komt gjennom taket og skifer-steinen
er nesten ferdiglagt på eine sida.
I dag var der eit ruske ver ute og sjøen slukte heile sandstranda.

It goes straight ahead with the cottage building.
Here is some pictures. It was just a rough weater today.

Bøker

For tida blir det ikkje så mykje sying
eller anna handarbeid.
Det går i jobb, møter, hyttebygging
og så er eg begynt å male taket i
utleigeleiligheta vår.
Og når ein først begynner, så hadde det
jo vore fint med nytt tapet på veggane og.....
I alle fall... lese må eg.
No er eg nettopp ferdig med ei lita underfundig
bok av Unni Lindell og
Snømannen av Jon Nesbø.
Jo Nesbø skriv knakande god krim og det var denne boka og,
sjølv om eg knekte koden ganske tidleg (for ein gongs skuld).
Eg er no begynt på boka om Sylvia frå Elm Creek Manor.
Den eg kjøpte består av 3 bøker i ei og er tjukk som ein murstein,
men boka er heldigvis lettlest.

Slumretepper

Dette er sydd av bare små restebiter.

Dette er sydd av enkle biter 7x7 cm.

Ingen av dei farga bitane er like.

Teppa er så store at dei går godt under beina

og opp under øyra, når ein skal sove middag:-))

Some of my older quilts.

The first one is sewed only of little leftovers.

The last one is made of bits 7x7 cm and none of

the colored fabric are equal.

Fargane blir ikkje heilt riktige her.
Alle teppa har fleece på baksida,
så dei er lune og gode.

Hytta ved havet

Her er nokre bilder frå hytteprosjektet vårt.
No er vindauga komne i og vi held på å bordkle.

Here are some pictures from the cottage which
we are building.

"Pengegaloppen"

Dette bildet sydde eg under Vestlandstreff i Bergen.
Eg gjekk på eit kurs med Astrid Eng, og ho kalte teppet
for "Pengegaloppen".
Teppet skal symbolisere Bergen med paraplyar, Fløybanen,
fjella rundt Bergen, blomsterpaviljonen
og gullpenger fordi Bergen er ein handelsstad.
Vi brukte ulike teknikkar som var ukjende for meg,
så eg hadde godt utbytte av kurset.

Barnebarn/Grandchild

Denne veka har vi hatt besøk av barnebarnet og mammaen.
Lille Elise Marie er blitt 6 mnd., er ho ikkje nydelig vel??

This is my beautiful grandchild Elise Marie 6 month old.

Vestlandstreff i Bergen

Forrige helg var vi til Bergen på Vestlandstreff.
Det var ei kjekk helg. Vi hadde god tid til å rusle
i byen på fredag, og var så heldige å få oppleve
sol og flott haustver i byen.
Vi tok turen opp på Fløien og "Blåmann" frakta
oss trygt og sikkert både opp og ned.
Bryggen og fisketorget er eit must når ein er på bytur,
og vi fikk også med oss ei utstilling om Oleana.
Her var det mykje lekkert.

Last week-end we were in Bergen at "Vestlandstreff".
Bergen is a beautiful town with many old houses.
We also visit a exhibition about Oleana.
This is Norwegians knit-wear in a new design.

Round robin

No skal vi snart til Bergen på Vestlandstreff.
I fjor arrangerte vi i NLQ Vestlandstreff på
Nordfjordeid, noko som var kjempe kjekt. Vi hadde
11 forskjellege kurs og ca 200 deltakarar.
Før treffet gjekk 25 av medlemmane saman om å sy teppe.
Vi var 5 på kvart teppe, og midten sydde den som eigde teppet.
Etterpå vart det sendt rundt til andre som sydde kvar sin
omgang, deretter fikk vi ikkje sjå teppet før
det var ferdig til quilting.
Øverste biletet viser korleis teppet mitt såg ut når det
kom tilbake til meg.
Eg hadde lyst å gjere litt meir av det og sydde vidare
slik at det vart eit sengeteppe til dobbelseng.
Dette fikk mi dotter og hennar samboar.

Last year the members of our club NLQ made some quilts
after the Round Robin principle.
This was before we were going to arrange the "Vestlandstreff",
a meeting for about 200 quilters in the western part of Norway.
Here is mine quilt. I decided to do some more and made it as
a quilt for a large bed.
It became a bed quilt for my daughter.
No in October we are going to Bergen for this years meeting.

Hytta

Her er bilete av hytta under bygging.
Vi er klar til å bordkle, montere vindu og dører,
og legge på takstein. Det går kjapt framover:-))
Til høgre for hytta ligg sandstranda.

Eg er blitt "tagga"

Eg er blitt "tagga" av Anni og Strikkemor(o)
Tusen takk til begge to, synest det er kjekt at nokon tenkjer på lille meg.

1 Likar gamle broderi, gjerne i plattsøm.
2 Har alltid tusen ting å gjere.... og alt for lita tid.
3 Gjekk "grensesømmen" i Sylane sommaren 2005.
Frå hytte til hytte mellom Sverige og Norge.
4 Sydde og strikka nesten alle mine klær frå eg var 13 år.
5 Er ein lesehest. Må lese på senga før eg sovner.
6 Likar ikkje lakris eller rømmegraut.
7 Likar best sjømat. Nykokt småsei "pale" og krabbe er bare nyyydelig.

Dette var litt om meg.
No skal eg finne 7 nye å tagge. Det må bli;

Husflidtausa
Torunn
Mari
Sol
Pia-Vardagsrummet
Grethe-Kristin
Mia frå Sverige

Reglene:
1. Link tilbake til den som har tagget deg og skriv reglene.
2. Fortell 7 ting om deg selv, både seriøse og mindre seriøse.
3. Tagg 7 andre bloggere og skriv en link til dem.
4. La disse få vite at de er tagget ved at du skriver en kommentar i deres blogg.

Slumreteppe

Dette slumre teppet er lagd av rester ++.
Det er fleece på baksida + bomullsvatt imellom,
så det er godt og varmt.
Teppet er quilta både med hand og maskin.
Lagde det til min mann for eit par år sidan.

This quilt was made to my husband a couple of years ago.
It is made by left overs and some new fabric.
Back there is fleece and it`s watting with cotton.
The quilt is nice and warm.

Hytta ved havet

Det går framover med hytta vår.
Vi har fått tak i eit gammalt skifertak og alle
hellene må sorterast både i tjukkelse og
kva som kan brukast. Passeleg jobb for mor:-)

A picture from the cottage which we are building.
It goes forward:-)

Utsikt frå hyttetomta

Slik er utsikta frå hyttetomta når nordvesten
står på og båra bryt.

View from the cottage in a rough weather.

Dear Jane

Her er mi andre blokk til klubben sitt Dear Jane prosjekt.
Denne heiter Kaye`s Courtyard.

This is my second block for the Dear Jane project.
This one is Kaye`s Courtyard

Gammalt veggteppe

Dette veggbiletet/teppet har hengt i barndomsheimen
til min far, og eg arva det for nokre år sidan.
Eg veit ikkje kor gammalt det kan vere, men
det er iallefall frå første halvdelen av 1900-talet.
Teksten er "Få er som far, ingen som mor"
Eg har tenkt å få det innramma og henge det på
hytta vår, når den blir ferdig.

This wall carpet I think is from first of the 19 century.
I receive it in inherit from my father.
The text is just like this;
"Few is like father, no body like mother"

Dear Jane

I klubben har vi eit prosjekt på gang.
Vi skal sy eit Dear Jane teppe til regionstreffet
som vi skal arrangere neste år. Kvar av medlemmane
får eit mønster på ei blokk og skal sjølv finne ut korleis
det skal syast. Meininga er at ein skal lære å sy på forskjellige
måtar. På september-møtet vart det levert 25 blokker, her
har eg lagt dei slik som dei skal syast i hop på teppet.
Dette kjem til å bli kjempeflott damer:-))

The member of the quilting club are going to sew
a Dear Jane quilt. Each of the members will sew a few blocks,
and than we are going to do a great quilt.
On the last meet there were deliver 25 blocks.
The point is that the members are going to sew it
in the way they likes best, and the blocks are therefore
made with different technicians.