Quilteklubben på blåtur

Så har quilteklubben vore på sin årlege blåtur.
Denne gangen reiste vi inn til Sande i Sunnfjord på
besøk til Desiree`s Lappeteknikk

Her er det Aslaug som har fått godbiter opp i korga si.

Derfra gjekk turen vidare til Bygstad og
Rytnetunet
Koselig liten fjellgard heilt oppunder fjellet Storehesten.
For dei som er spreke nok går der motbakkeløp opp på Storehesten.
Dette starter på 0 og opp til 1209 m over havet.
Gjeldande rekord er 1 time og 4 minutter!!!

Eigarane hadde gjort ein kjempejobb med restaurering,
frå ei falleferdig rønne til ein koseleg gard på kun 4 år.
Her ligg det enormt med arbeid bak.

Denne Amerika-kofferten som ho viser her er ein av
dei mange gamle tinga som no er komt fram igjen.

Her leiger dei ut til turister og alle som har bruk for
å roe ned eit par hakk.
Der var tilsammen 12-16 sengeplasser når ein legg
godviljen til.

Vi fikk servert Viking-suppe og vafler.
Denne var laga av hjortekjøt og kjempegod.
Takk til Leivdølene for flott tur!

Juni

Første helga i juni feira vi min mann sin halvrunde
bursdag og vår perle-bryllaupsdag.
Som seg hør og bør fikk eg 30 raude roser,
og dei står faktisk fine fortsatt.

10 nydelige rosa roser fekk vi med dotter og barnebarn.

Dette var den helga det var fint ver og eg hadde
3 feriedagar.
Eg var på hytta og tok symaskina ut for å nyte dagen.
Høg himmel og blått hav så langt auga ser,
kan det bli bedre?

Forrige helg var vi på års-turen vår med rolaget.
Denne gangen gjekk turen til Olden for å ro
vatnet på langs, det er vel 10 km langt.

Her er ro-gjengen i fint driv over vatnet.
Vi leigde hytter på Melkevoll Bretun, heilt oppunder
Briksdals breen, og grilla om kvelden i ei steinalder-grotte.
Kjempefint og riktig vellykka.

Lunch til roarane høyrer med.
Eg var i komiteen dette året så det var litt spennande
om turen falt i smak, sidan vi valgte utradisjonelt med å
reise inn i fjorden og ro på vatnet.
Heldigvis vart det ein minneverdig og flott tur for alle.

Gammal steinbru i Olden.

Også var Queen Mary 2 på besøk til Olden.
Litt større båt enn vår!
Plass til nesten 3000 passasjerar og eit drøss med mannskap.
Den var gigantisk når den for ut Nordfjorden.

No håper vi på fint ver igjen, for imorgon søndag
skal eg på blåtur med Nordfjord Lappe og Quilteklubb.
Det blir heilt sikkert kjempebra.