Dear Jane

Tida går så frykteleg fort og eg heng bak som
eit anna slips....
I allefall, det er lenge sidan eg har hatt tid å
leggje inn noko på bloggen min, men det verste er at
eg ikkje har funne tid til å titte på andre sine bloggar heller.
Fordelen er at eg har mykje kjekt å sjå fram til....:-)

Her er nokre blokker som eg har sydd til fellesprosjektet vårt.
Til helga skal vi begynne å sy saman blokkene, vi
har så mange no at det blir nok meir enn eit teppe,
kanskje eit stort og eit par små?
Målsetjinga vår var at medlemmane i klubben skulle lære nye
måtar å løyse problem på, og vi får tilbakemelding om at
det har dei gjort. Nokre blokker har vore lette å sy, andre
er sydd med tankar som ikkje egner seg på trykk, og
har vore eit par gongar nedom bossbøtta før dei vart ferdige,
men vi har i allefall lært å vere nøyaktige.
Oppdatering følger etter kvart som vi syr ihop...

Med blanke ark...

Det nye året begynte strålande for oss,
eit nytt barn vart fødd i slekta den 10. januar
og eg er då blitt grandtante igjen.
Den nybakte mora ønskjer seg vognteppe, så eg
vil lage eit med bamse på og i blå-tonar denne gangen.
Oppdatering følgjer på det...

Eg var på besøk hos kunstmålar Haugan på Bryggja for
å kjøpe maleri til min eldste bror, som hadde rund bursdag den 5 januar.
Eg falt fullstendig for dette bildet, og kjøpte det til meg sjølv!!
Det skal få henge i hytta ved havet.
Denne kunstnaren har nettopp hatt utstilling i Kulturhuset Gamlebanken
på Nordfjordeid, men eg veit ikkje om dette bildet var med der,
sannsynlegvis ikkje sidan det mangla ramme.

GODT NYTTÅR

Som de ser har vi hatt ei flott jul med vårt første
barnebarn på besøk.
Ho er no 9 mnd og er for oss det søtaste, nydeligaste og
sjølvsagt største under på jord.
Eg helsar til farmor og farfar som får gleda av å
ha den lille familien på besøk i nyttårshelga,
og til alle som tittar innom bloggen min ønskjer
eg eit riktig
GODT NYTTÅR

This year our grandchild (and her mam and dad)
visit us in the christmas days.
She is no 9 mnd old and of course the loveliest child in the world.
I like to wish everyone a
HAPPY NEW YEAR

GOD JUL

Med dette bildet "Moren og barnet",
som Doleres Schembri har malt med munnen,
vil eg ønske alle ei riktig
GOD JUL

Whit this painting "Mother and child",
by Doleres Schembri,
I wish everyone a Merry Christmas

Hjerte-teppe

Eg måtte ha eit nytt vegg-teppe i gangen til jul.
Dette var raskt og enkelt å lage. Eg quilta kvar blokk
for seg, og deretter sydde dei saman med tett zig-zag.
Sidan eg ikkje har brukt julestoff, kan det henge ei stund
etter jul også.

Dear Jane

Her er fellesprosjektet vårt i klubben.
Reknar med at mellomromma blir fyllt opp
på medlemsmøtet i januar:-)
Hugs ny dato for region treffet; 30. mars 2008

Desse tre blokkene kom i posten frå Husflidstausa

Juledekorasjonar

I går var bygdekvinnelaget som eg er medlem i, invitert inn til
Hildenes Gartneri på Nordfjordeid.
Å komme inn dørene der er ei oppleving i seg sjølv,
butikken bugnar av blomster, juledekorasjonar,
flotte interiørting og småting til å lage sine eigne dekorasjonar.
Her er nokre døme på dekorasjonar som
Iren og Hildegunn laga for oss. Lekkert!

Advent

Så er det advent igjen, og vi går ei hyggeleg og travel tid i møte.
I dag har eg pynta stova med løpera, lys og tilbehør i lilla.
Eg er då godt igang med juleforberedelsane, har laga både
lefser, flatbrød og sylteflesk.
I kommande veke får eg begynne å bake småkaker, og så lyt
ein vel og tenkje på julegåver etterkvart.
Likar ikkje å handle julegåver før julegata er tent og pynten
er komt på plass i butikkane. Må liksom ha den rette stemninga
før eg får inspirasjon til å begynne med gåvene.

UFO

I dag har eg dukka ned i UFO-eska.
Har greidd å få ferdig 4- fire - ting som har lagt der og
mangla eit glidelås her og ein lukkekant der.
Er ganske fornøgd med meg sjølv, kanskje noko av det blir julegåver.

Adventsløper

Er begynt å forstå at det snart er advent igjen.
Er ikkje lenge sidan sist!
Her er ein løpar som eg sydde i fjor, eller var det året før.....?

I alle fall eg ønsker alle ei riktig god helg:-))))

Tøfler til barnebarnet

Desse tøflane/lestene strikka eg til Elise Marie
i Fritidsgarn og tova dei i vaskemaskina med Milo.
Dei vart kjempevarme og er gode til å bruke i bilstolen
og når ho er ute på trilletur.
Enkelt og raskt å lage.

These slippers I made for my grandchild.
They are easy to knit and very warm to small foots.

Dear Jane

Denne veka har det blitt lite tid til blogging
då barnebarnet har vore på besøk , og
dessutan har skjermen på datamaskina svikta meg.
Så snart som eg har slått den på, har den gått i svart,
men nå virker den igjen for ei lita stund.....forstå det
den som kan! I allefall konklusjonen er at mor bør få
ny flatskjerm til dataen til jul:-)

Her er fellesprosjektet vårt Dear Jane, det består no
av vel 80 blokker, og eg reknar med at det kjem fleire
på desember-møtet. Planen er å sy tepper som skal brukast
til utlodding på regionstreffet 30. mars (mrk. datoen) neste år.

No er vi snart ferdige med hytte-taket.
Der er lagt dråpeforma skifer, det er ein kjempejobb
som brødrene mine har gjort på kveldstid og nokre
laurdagar. Dyktige karar!

Sko-pose

Denne er laga etter AnnAKa sitt mønster og er
ei gebursdagsgåve til ei veninne.
Oppi putta eg ein pakke med fine serviettar
og matchande kubbelys.
Kjekt å kunne gje frå seg noko heimelaga:-)

Baby-lester

Det er blitt nokre par med baby-lester i år.
Nokre er til barne-barnet, mens andre er gåver
til mi dotter sine veninner.
Desse er enkle og raske å lage.

You Make Me Smile Award

You Make Me Smile Award

Eg har fått denne prisen av annischoice.blogspot.com
Tusen takk til henne.
No er det meininga at eg skal gje denne prisen vidare
til 10 andre, men der er så mange flotte bloggar at eg
greier ikkje å bestemme meg. Derfor sender eg denne
som ei helsing til alle flotte og kreative handarbeidsdamer,
som bruker timer av si tid til å inspirere oss andre.

Baby-symjing

I dag har eg vore på baby-symjing med barne-barnet.
Det var ei oppleving.....
Her er vi under vatnet, ho med augene opne og heilt med,
at mormor hadde briller på var visst det raraste.

Today I have visit my daughter and grand-daughter,
and we were in the swimming-hall.
It´s amazing to see the little girl in the water,
how she enjoy it and has no fear to dive.

Når hausten kjem må bargello-teppet
på plass på kjøkkenet.
Vi treng litt fargar no når det er mørkt
både til og frå jobb.
Fint å sette seg ned om kvelden med eit handarbeid
og ein god kopp te.

Hytta ved havet

Det går fort framover (takka vere 2 av brødrene mine + min kjære mann),
sjølv om vi byggjer bare på kveldstid og laurdagar.
No er pipa komt gjennom taket og skifer-steinen
er nesten ferdiglagt på eine sida.
I dag var der eit ruske ver ute og sjøen slukte heile sandstranda.

It goes straight ahead with the cottage building.
Here is some pictures. It was just a rough weater today.

Bøker

For tida blir det ikkje så mykje sying
eller anna handarbeid.
Det går i jobb, møter, hyttebygging
og så er eg begynt å male taket i
utleigeleiligheta vår.
Og når ein først begynner, så hadde det
jo vore fint med nytt tapet på veggane og.....
I alle fall... lese må eg.
No er eg nettopp ferdig med ei lita underfundig
bok av Unni Lindell og
Snømannen av Jon Nesbø.
Jo Nesbø skriv knakande god krim og det var denne boka og,
sjølv om eg knekte koden ganske tidleg (for ein gongs skuld).
Eg er no begynt på boka om Sylvia frå Elm Creek Manor.
Den eg kjøpte består av 3 bøker i ei og er tjukk som ein murstein,
men boka er heldigvis lettlest.

Slumretepper

Dette er sydd av bare små restebiter.

Dette er sydd av enkle biter 7x7 cm.

Ingen av dei farga bitane er like.

Teppa er så store at dei går godt under beina

og opp under øyra, når ein skal sove middag:-))

Some of my older quilts.

The first one is sewed only of little leftovers.

The last one is made of bits 7x7 cm and none of

the colored fabric are equal.

Fargane blir ikkje heilt riktige her.
Alle teppa har fleece på baksida,
så dei er lune og gode.

Hytta ved havet

Her er nokre bilder frå hytteprosjektet vårt.
No er vindauga komne i og vi held på å bordkle.

Here are some pictures from the cottage which
we are building.

"Pengegaloppen"

Dette bildet sydde eg under Vestlandstreff i Bergen.
Eg gjekk på eit kurs med Astrid Eng, og ho kalte teppet
for "Pengegaloppen".
Teppet skal symbolisere Bergen med paraplyar, Fløybanen,
fjella rundt Bergen, blomsterpaviljonen
og gullpenger fordi Bergen er ein handelsstad.
Vi brukte ulike teknikkar som var ukjende for meg,
så eg hadde godt utbytte av kurset.

Barnebarn/Grandchild

Denne veka har vi hatt besøk av barnebarnet og mammaen.
Lille Elise Marie er blitt 6 mnd., er ho ikkje nydelig vel??

This is my beautiful grandchild Elise Marie 6 month old.

Vestlandstreff i Bergen

Forrige helg var vi til Bergen på Vestlandstreff.
Det var ei kjekk helg. Vi hadde god tid til å rusle
i byen på fredag, og var så heldige å få oppleve
sol og flott haustver i byen.
Vi tok turen opp på Fløien og "Blåmann" frakta
oss trygt og sikkert både opp og ned.
Bryggen og fisketorget er eit must når ein er på bytur,
og vi fikk også med oss ei utstilling om Oleana.
Her var det mykje lekkert.

Last week-end we were in Bergen at "Vestlandstreff".
Bergen is a beautiful town with many old houses.
We also visit a exhibition about Oleana.
This is Norwegians knit-wear in a new design.