Glimt frå hytta innvendig

Her kjem nokre bilder frå hytta vår innvendig.
Denne senga stod bortgøymt i eit vedskjul.
Den er laga av onkelen til mi svigermor
(svigermor er 85 år).
Vi (les: min kjære mann) har slipt (og slipt...og slipt),
og lakka/beisa den igjen.
Senga var innsett med linolje eller noko liknande
som var umulig å få skikkelig av, derfor tok vi den
fargen som var nærast originalen og lakka den oppatt.
Senga er bare 175 cm lang så madrass måtte spesial-bestillast.

Åkleet er vevd av mor mi på 1970- talet.
Endeleg fekk eg bruke det sånn som det var tenkt.



Dette biletet hang i min barndomsheim.
Som de forstår var far min fiskar.

Glimt frå soverommet nede,
Bilde og interiør er kjøpt hos Primula på Nordfjordeid.

Golvteppa har lagt på loftet i mange år.

Dei er vevd i rosengang på 1970 talet av mor mi.

Eg har pussa opp igjen både kommodar og
senger. Denne kommoden var opprinneleg i teak,
deretter kvit med rosa skuffer då dottera var lita jente.
No vart den riktig så fin i heil-kvitt.

Denne engelen titter på oss på soverommet vårt.

Gardinene på soveromma var ei utfordring,
men synest i grunnen dette vart praktisk og fint.
Vindauga er så fine at eg kan ikkje gøyme dei
under gardiner.

Spisekroken vår på kjøkkenet.
Her nyt vi frukosten, når vi ikkje kan sitje ute.

Ved havet må vi ha det maritimt.
Eg hadde ei borde med flygande gjess etter
eit anna prosjekt, sett saman slik med applikerte måsar,
vart det eit fint lite bilete.

Tall ships races

Tall ships races med lille Måløy som hovudhamn,
har vore som eit eventyr denne helga.
Gatene har vore fulle av folk, og med
underhaldning nesten på kvart gatehjørne.
Dette er nærbilete av båten "vår", den som
låg utanfor hytta i fleire dagar.
Det er litt størrelse på båtane når ein kjem nær.

.. og denne russiske båten MIR var son min
på 19 år "liaison" for. Han var då bindeleddet mellom
kaptein, mannskap og ansvarlege på land.

Fantastisk helg

Vi har hatt ei fantastisk helg på hytta.
Strålande sol, oppunder 30 C varme som
er sjeldan på kysten-

-og bading når det nærmar seg midnatt.

Dette var utsikta mi frå hytta måndags morgen.
En polsk fullriggar Dar Mlodziezy som deltar
på www.tallshipsrace.no ,
låg i ro rett utafor stoveglaset mitt.
Vakkert:-)))

Laurdag 19.juli

Den 19. juli hadde eg rund bursdag.
Denne feira eg saman med familien og
dei næraste vennane våre.
Eg hadde invitert til at vi skulle gå tur
til Skongsnes Fyr om dagen, og grille ved
hytta om kvelden. Planane måtte endrast då
vermeldinga på torsdag sa store nedbørsmengder!
Det vart likevel fint ver denne dagen, men turen over
fjellet til fyret håper eg vi kan gå ein annan gong.
For meg vart dagen fin og minnerik.

Eg ønskte meg nytt fotoapparat, og tanken
er å gå kurs til hausten og lære å ta bilder
skikkeleg.

Kåpe til prinsessa vår

Denne kåpa har eg strikka til barnebarnet.
Det har tatt litt tid, for senebetennelsen i armen
har vore lei denne gangen.
Heldigvis var kåpa godt stor, slik at ho kan
bruke den til hausten.
Mønsteret fikk eg frå Blåbertua
Igjen tusen takk.

Vognteppe til Joakim

Dette vognteppet er til Joakim, fødd
for nesten 2 mnd sidan.
Det vart sterkt i fargane, men
mor likte det så da er alt ok:-)

Klassefest

I helga var den gamle klassa mi frå barneskulen,
samla til klassefest og jubileumsfeiring.
Alle har rund bursdag i år:-)
Vi møtast kvart femte år og har
ein trivelig dag saman.
I år møtte 21 av 28 mulige.
Vi starta med lunch ved hytta mi,
og deretter fotballkamp på sanden.


Eit bad vart det og når eine duskedama
stakk av med ballen!
(Duskedamer må vere med på fotballkamp,
sidan vi har klassekamerat som bur "over there")

Festmiddag om kvelden var i leigde lokale,
og vi hadde det trivelig langt ut i dei små timer


Frukost på hytta søndag morgen,
like strålande blide som kvelden før:-))
Eg helsar til alle og takker for ein fin dag:-))

Båtfestivalen på Nordfjordeid

I år vart Båtfestivalen på Nordfjordeid
gjennomført i strålande solskinn.
Vi har vore med på denne festivalen i
mange år, men det har alltid regna og sjølvsagt,

kaldt og surt. I år var det nydeleg ver og flott " å leggja utpå."
To øverste bileta er av damelaget til Stårheim Rolag,
karane stiller alltid i kvit skjorte og vest.
Og jo da, det vart seier i år og:-))

Gran Canaria

Ja ha, så lot eg hyttebygging vere hyttebygging
og reiste til Tauro-dalen på Gran Canaria.
I 12 dagar no har eg kosa meg med barnebarnet,
dotter og "svigerson", samt mor til svigersonen.
Bileta er frå Amadores-stranda, ein sjarmerande
by som heiter Mogan og korleis rundkøyringane
ser ut på Gran Canaria.
Temperaturen låg på nydelige 27-30 C,herleg
å spise frukost på terrassen når målaren viser nesten 24 C.

Havblikk

I dag har vi hatt ein flott tur til
Skongsnes Fyr.
I bakgrunnen ser vi Stadt med Vestkapp-platået,
det er sjeldan at havet er så stille som det var idag.

Overalt blomstrar kusymra, dessverre fekk eg
ikkje fram riktig farge på dette biletet.

Ellers held vi på med innspurten på hytta
så eg er litt fråverande på bloggen for tida,
men eg lover å komme sterkare tilbake.

Våren i Paris

Eiffeltårnet var eit fantastisk syn om kvelden
når det var fullt opplyst og lysene blinka over
heile tårnet.

Vi har hatt nokre fine dagar i Paris. Der blomstra
tulipanane, pelargoniaen og flotte store
japansk kirsebærtre.
Alt dette er slikt som vi kan begynne å sjå
etter når vi har passert 17. mai.


Dette mosaikk-bildet hang i Notre Dame.
Kan også lagast som eit lappeteppe:-))

Tur til Paris

Så reiser vi til Paris.
Fly frå Ålesund onsdag og retur måndag.
Vi gler oss:-)))

Regiontreff

I helga arrangerte vi i Nordfjord Lappe- og Quilteklubb
regionstreff for Sogn og Fjordane.

This weekend our club Nordfjord Lappe- og Quilteklubb
arranged the yearly Region Quilt Gathering in
our county Sogn og Fjordane.




Vi var så heldige å få Hanne
som foredragshaldar. Ho er ei trivelig dame og
heldt eit inspirerande og engasjert foredrag om Dear Jane.

Lucky us, Hanne take the trip to the west -coast
of Norway and give us an inspiring lecture
in The Dear Jane Quilt.

This is Hanne `s Dear Jane quilt.
Wonderful:-)))

And the owner of this lovely quilt is one
of our members from Svelgen.

Vi heldt treffet i gymsalen på barneskulen i bygda vår,
og det var vel 100 påmeldt til foredrag og middag.

Etterpå var det åpent for publikum, og gjett om det
strøymde på med folk! Vi var ganske overvelda over
at så mange kom for å sjå utstillinga vår.
Der var og fleire quiltebutikkar, og sjølvsagt hadde
vi lotteri med blant anna to små og eit stort Dear Jane
teppe som gevinstar.

The gathering was in the local school-building and
the walls were covered with hundreds of lovely small
and bigger quilts.
We also have several shops from the county.
It was marvelous to discover that so many was
interest in seeing our exhibition:-))

Fleire bilder kan de sjå på klubben sin blogg: nlq2007.blogspot.com